A TERRA E A LÚA

A TERRA

Bo día, rapaces.Velaquí tedes un vídeo que vai axudarvos a entender mellor cales son as partes da Terra.

Sabiades que a atmosfera ten varias capas? Visionade con atención o seguinte vídeo para poder facer a actividade que vos propoño a continuación.

Está moi ben explicado, verdade? 

Ben, vamos entón debuxar un pouquiño. A actividade consiste no seguinte:

1.º Collede un folio.

2.º Debuxade e escribide:

• o nome das diferentes capas da atmosfera (non esquezades que tedes que facelo en galego).
• os quilómetros que ten cada capa, é dicir, ata onde chega.

3.º Representade cun debuxo o que se produce ou ten lugar en cada capa.

4.º Dádelle cor e decorade como máis vos guste.

O martes dígovos cando tedes que entregar o debuxo da atmosfera.

 A LÚA

Esta belísima dama que vedes é a Lúa. Bela e un pouquiño misteriosa, verdade?

Xa sabedes que é o único satélite da Terra, que non ten atmosfera nin hidrosfera e que a súa superficie está chea de cráteres causados polo impacto dos meteoritos. 

Hai uns cantos anos que o home foi quen de chegar ata ela e mesmo de camiñar pola súa superficie. Recordades o ano no que tal fazaña tivo lugar? Quen foi o afortunado que a pisou por primeira vez? E sabedes o que dixo? Que credes que significaba aquela frase? 

Repasemos o que xa sabemos:

E agora imos ver se sodes quen de pescudar e contestar a seguinte pregunta:

Por que se orixinan as mareas? Que son a preamar e a baixamar?

Para rematar velaquí tedes unha pequena explicación do que son os eclipses e por que se producen.